Page 2 of 7

હિમાલયની સાઇકલ યાત્રા: ઔટ – જલોરી પાસ – ઔટ

(આકાશવાણી મુંબઇ કેંદ્રથી 18 ડિસેમ્બર 2016ના રોજ પ્રસારિત)

સ્કુલમાં ઈતિહાસના શિક્ષકોનો પ્રિય પ્રશ્ન પાનીપથની લડાઈ કોની કોની વચ્ચે લડાઈ હતી? સ્કુલમાં તો આનો સાચો જવાબ કદી યાદ નહોતો રહ્યો પણ હવે જો કોઈ પૂછે તો મારો જવાબ સ્પષ્ટ છે, કે પાનીપથના યુદ્ધમાં બીજી પાર્ટી ગમે તે હોય પણ પહેલી પાર્ટી તો ગરમી જ હતી. અને બીજી પાર્ટી વગર લડે જ હારી ગઈ હશે. આવા બ્હાવરા બ્હાવરા વિચારો મને આવી રહ્યા હતા, મે મહિનાની ઉત્તર ભારતની કાળઝાળ ગરમી હતી અને અમારી ટ્રેન પાનીપથ સ્ટેશનેથી પસાર થઇ. બારીની બહાર જ્યાં પ્લેટફોર્મ પર સામાન્ય રીતે ફેરિયાઓ ખાવાનું વેંચવા દોડાદોડી કરતા હોય ત્યાં અહી બ્લુ કપડાંવાળા સરદારજીઓ મફતમાં પાણી વ્હેંચવા દોડતા હતા. પાણીના પ્યાલા ભરીને ભરીને આવતી જતી દરેક ટ્રેનના પ્રવાસીઓને બારીમાંથી તેઓ આપતા હતા. ગરમી કેવી હશે એનો આ પરથી અંદાજ લગાડી શકાય. ખેર, અમારી પાસે તો પાણી હતું. જો કઈ નહોતું તે હતી યોગ્ય ટીકીટ. અનરિઝર્વ્ડની ટીકીટ લઈને અમે દિલ્હીથી ચડ્યા તો ખરા પણ આખો રસ્તો ઉભા ઉભા જવાની તૈયારી નહોતી એટલે રીઝર્વેશનમાં ચડી ગયા. ટી.સી.થી બચવા એક ડબ્બાથી બીજા ડબ્બા તરફ ચાલી રહ્યા હતા. આમ ચાલતા ચાલતા જ અમે દિલ્હીથી ચંડીગઢ પહોચી ગયા. ચંડીગઢથી અમારો અસલી પ્રવાસ શરુ થતો હતો. ચંડીગઢ એ અમારા પ્રવાસનું છેલ્લું એવું સ્થળ હતું કે જેનું નામ સાંભળેલું હોય. હવે પછીના બધા જ સ્થળો અનામી ગામડાઓ હતાં. Continue reading

Wrong Side રાજુના ગીતોએ મને શું કહ્યું?

‘બે યાર’, ‘ગુજ્જુભાઈ ધ ગ્રેટ’ અને ‘છેલ્લો દિવસ’ની સફળતા બાદ એકસરખી અર્બન કોમેડી ગુજરાતી ફિલ્મોનો જુવાળ આવ્યો છે. કેટલાક વર્ષો પહેલા જે થોકબંધ લીલી ચુંદડીવાળી બાયું, મૂછે લીંબુ લટકતા ભાયડાવ, પ્રીત લુંટાવતા સાયબા અને પરચો બતાવતા માતાજી છાપ ફિલ્મો આવેલી તેના કરતા અત્યારની પરિસ્થિતિ બહુ જુદી નથી. ફરક માત્ર ફિલ્મોના પ્રકારમાં અને વાર્તાના વિશ્વમાં છે, બાકી માનસિકતા તો વહેતી ગંગામાં હાથ ધોઈને રોકડી કરી લેવાની જ છે. એવામાં સીનેમેનની ત્રીજી ફિલ્મ ‘રોંગ સાઈડ રાજુ’ આવી રહી છે. જેમ ‘કેવી રીતે જઈશ’ અનેક મામલામાં એક નવી શરૂઆત હતી એમ ‘રોંગ સાઈડ રાજુ’ના ટ્રેલરે પણ ખુબ આશા જન્માવી છે. આ ફિલ્મ અર્બન છે પણ કોમેડીની બદલે ‘હીટ એન્ડ રન’ પર આધારિત ડ્રામા છે.

Continue reading

My Monsoon Playlist – બારે મેઘ ખાંગા

વરસાદ અને સર્જનાત્મકતાને શો સંબંધ? વરસાદી મોસમમાં રચાયેલી કે વરસાદ વિશેની રચનાઓ વધુ ભીની કેમ હોય છે? ખોળામાં લેપટોપ લઈને લખતી વખતે જો બારીની બહાર ઝરમર ઝરમર ચાલુ હોય તો અભિવ્યક્તિ કેમ લીલી લીલી થઇ જાય છે? મને ખબર નથી. છતાં, કાલિદાસથી લઈને કૈલાશ ખેર સુધી કેટલાંય કવિ, લેખક અને ગાયક કુદરતના આ ભેદી, બળવાખોર તત્વને પોતપોતાની રીતે અંજલિ અર્પી ચુક્યા છે. Continue reading

Ladakh Radio Talk

Script for my 4th outing at AIR. Recording on: 19th May 2016. Broadcast on: 12th June 2016 @ 6.30pm. Audio attached below.

આજથી બે અઢી હજાર વર્ષો પહેલાંની એક કાજળઘેરી રાતની વાત છે. એક 29 વર્ષીય યુવક – નામે સિદ્ધાર્થ ગૌતમ, તેનો ઘર-પરિવાર, સત્તા સંપત્તિ બધું જ ત્યજીને એક મહાન સફર પર નીકળે પડે છે. આજે આટલા વર્ષે પણ તેની સફર દુનિયા યાદ કરે છે.

બીજી એક અંધારી રાતે, આજથી પચાસ સાહિઠ વર્ષ પહેલાં, અન્ય એક ચોવીસ વર્ષીય યુવકને પોતાનો દેશ તિબેટ છોડીને ચાલી નીકળવું પડે છે. એની સફર પણ મહાન સાબિત થાય છે. આજે દુનિયા તેને દલાઈ લામા તરીકે ઓળખે છે.

અને હજુ એક ચોવીસ વર્ષીય યુવક, તેના બે મિત્રો સાથે, એક સુમસામ રાત્રીએ પોતાના ઘરથી હજારો કિલોમીટર દુર એક અજાણ્યા ગામમાં આવી ચડે છે. એની જાણબહાર જ આ એના જીવનની એક મહાન સફરની શરૂઆત થઇ રહી છે.

આ ત્રીજો યુવક એટલે હું, તુમુલ બુચ. હાજર છું, મારા લેહ-લડાખના પ્રવાસની વાતો લઈને. Continue reading

Udaan part 5: અકુલ દોરીયાર બુઝી કુલ નાહી રે

અત્યાર સુધીની વાર્તા:

ઓગણીસ વર્ષની કાચી ઉમરમાં પિતાનું મૃત્યુ, માતાનું ડીપ્રેશન, કુટુંબીઓના મ્હેણાં-ટોણા, પરીક્ષામાં નાપાસ અને પ્રેમમાં નિષ્ફળતા જેવી અનેક પ્રતિકુળતાઓ જોઈ ચુકેલી નમ્રતાને ઘર અને શહેર છોડીને ક્યાંક દુર પહાડોમાં ચાલ્યા જવાનું મન થયા કરતુ. તેની આ મહેચ્છા પૂરી કરવામાં તેને મદદરૂપ થાય છે રોહન – તેને tinder પર મળેલો મુંબઈનો છોકરો. ફરતાં ફરતાં તેઓ હિમાલયના એક સાવ નાના ગામડામાં આવી પહોચે છે જે નમ્રતાએ કલ્પનામાં જોયેલું બિલકુલ એવું જ છે. રાતના તાપણા પાસે બેસીને વાતો કરતી વખતે નમ્રતા ભાંગી પડે છે અને તેની આપવીતી સંભળાવવાનું શરુ કરે છે, જે સાંભળીને રોહનને તેના અપહરણ વિષે જાણ થાય છે. હવે આગળ … Continue reading

છેલ્લી ઘડીએ વાર્તા લખવાની જહેમત

નોંધ: વાર્તા રે વાર્તાની વાર્તાલેખન શિબિર 11 માટે રાજુ પટેલે મને આપેલા વિષય, “છેલ્લી ઘડીએ વાર્તા લખવાની જહેમત” ઉપર હું લખવા બેઠો ત્યારે મને એકની બદલે ત્રણ અલગ વિચારો આવ્યા. મેં ત્રણેયને એક તાંતણે પરોવવાની કોશિશ કરી છે.

એ સાંજથી જ કાંઈક અમંગળ થવાના સંકેત મને મળી રહ્યા હતા. રાજુનું આમ એકાએક મળવા આવવું, જેને ભૂતકાળ માની ચુક્યો હતો એવા એક જુના દરદનું પાછા આવવું, દૂધનું ઉભરાઈ જવું અને બારીની બહાર કયાંક દૂરથી આવતો રડતા શિયાળવાંનો અવાજ. મારે ત્યારે જ સમજી જવું જોઈતું હતું જ્યારે રાજુએ છેલ્લી ઘડીએ પેલો બોમ્બ ફોડ્યો. પરંતુ આવા દોડાડોદના સમયમાં બની રહેલી ઘટનાઓ તમારા મગજમાં એટલો ઘોંઘાટ કરી મુકે છે કે પેલી શરમાળ અંત:સ્ફૂરણાનો અવાજ દબાઈ જાય છે. રાજુએ કરેલી વાત મુજબ હવે કંઈ પણ કરીને કાલ સવાર સુધીમાં પૂર્ણ વાર્તા બનાવવી જ રહી. Continue reading

Udaan Part 4: બંધન

અત્યાર સુધીની વાર્તા

ઓગણીસ વર્ષની કાચી ઉમરમાં પિતાનું મૃત્યુ, માતાનું ડીપ્રેશન, કુટુંબીઓના મ્હેણાં-ટોણા, પરીક્ષામાં નાપાસ અને પ્રેમમાં નિષ્ફળતા જેવી અનેક પ્રતિકુળતાઓ જોઈ ચુકેલી નમ્રતાને ઘર અને શહેર છોડીને ક્યાંક દુર પહાડોમાં ચાલ્યા જવાનું મન થયા કરતુ. તેની આ મહેચ્છા પૂરી કરવામાં તેને મદદરૂપ થાય છે રોહન – તેને tinder પર મળેલો મુંબઈનો છોકરો. ફક્ત એક નાનકડી મુલાકાત અને એક મહિનામાં ચેટીંગથી થયેલી જાણપિછાણ બાદ બંને દિલ્હીમાં મળે છે અને રાતની બસ પકડીને હિમાલય તરફનો પ્રવાસ શરુ કરે છે. બસમાં તેમને એક નાનકડો છોકરો મળે છે જે એમને પોતાના ગામ લઇ જાય છે. હવે આગળ… Continue reading

Surat Bandra Intercity – Part 1

રોજની જેમ જ એ દિવસે પણ સુરત-બાન્દ્રા ઇન્ટરસીટી બરાબર સાંજના ચાર વાગ્યાના નિર્ધારિત સમયે સુરત સ્ટેશનથી નીકળી હતી. ધર્મેશ શાહ અને કરસન કાકા પેન્ટ્રી ની બાજુના એસી ચેરકાર વાળા ડબ્બામાં ગોઠવાઈ ગયા હતા. આ ટ્રેન બોરીવલી પહોચે ત્યાં સુધીના ચાર કલાક ધર્મેશ માટે જિંદગીનો સૌથી બોરિંગ સમય હતો. કરસન કાકા ગાડી ઉપડતા ભેગ પેન્ટ્રી માંથી જે આવે તે દાબીને ખાતા અને નવસારી આવે ત્યાં સુધીમાં તો ઘોરવા લાગતા. જો તેમને ભાવતું ખાવાનું હોય તો પેટની શરમ રાખ્યા વિના ઠુંસતા અને પછી આખો રસ્તો એસીની હવા બગાડતા. આમ છતાં જાગતા કરસન કાકા કરતા સુતેલા કરસન કાકા લાખ ગણા સારા. Continue reading

Top “Razalpat” moments of 2015

“The universe is made of stories, not of atoms”
~Muriel Rukeyser

When you go out and see the world, leaving behind your comfort zone, you realize many truths about the universe and yourself (like the one above). You also realize that you are not the first one to have realized them. Many wise men before you have also passed through the same dilemmas and felt the same emotions as you and they’ve put it so eloquently that you can’t help but quote them. Continuing with our annual tradition of recollecting past year’s travel experiences, this time Pratik, Shabbir and I are sharing our top travel moments of 2015. Moments of wonder, scepticism, fear, determination, joy, serenity. Moments which left a permanent mark. Moments which made us a tad bit wiser. Continue reading

Velas Radio Talk

Following is the script for my 3rd stint at AIR to be aired on 24th January 2015.

ચેતવણી: આ નિબંધમાં વર્ણવેલી જગ્યા સાથેનો મારે અદકેરો લગાવ હોઈ એ શબ્દચિત્ર ન રહેતા, પ્રેમચિત્ર બની જઈ શકે છે. અન્ય રીતે કહું તો વેળાસનું હોય એના કરતા વધુ ગુલાબી અને romantic ચિત્ર રજુ થયું હોય એવી શક્યતા છે.

કેટલાક મહિનાઓ પહેલા મારે હિમાલયના પહાડોમાં વસેલા એક ગામડાની સરકારી પ્રાથમિક શાળામાં જવાનું થયું. મારે ત્યાના વિદ્યાર્થીઓ સાથે મુંબઈના શહેરી જીવન અને તેમની જીવનશૈલી વચ્ચે કેટલો તફાવત હતો તે વિષે વાતો કરવાની હતી. જ્યારે મેં તેમને મુંબઈના દરિયા વિષે જણાવ્યું ત્યારે સૌના ચહેરા પર એક જાતની મૂંઝવણ છવાયેલી હતી કારણકે તેમણે દરિયો જોયો જ નહોતો અને આટલી વિશાળ જળરાશી કેવી દેખાય એ કલ્પના કરવી તેમને માટે અશક્ય વાત હતી. જુદી જુદી અનેક રીતે સમજાવવાની કોશિશ કરવા છતાં અને ફોટો બતાવવા છતાં તેમને દરિયો શું ચીજ છે એ હું સંતોષપૂર્વક સમજાવી જ ના શક્યો.
Continue reading

« Older posts Newer posts »

© 2017 રઝળપાટ

Theme by Anders NorenUp ↑